إغلاق القائمة
معلومات عن الكلية العسكرية والمعدلات المطلوبة والراتب اثناء الدراسة وغيرها

معلومات عن الكلية العسكرية والمعدلات المطلوبة والراتب اثناء الدراسة وغيرها

    #الكلية_العسكرية_الاولى انتباااه...انتباااه.. راح اتكلملكم عن 👆
    المكان / بغداد_ الرستمية
    ** خلي يكون بمعلومك من البداية انه راح تگضي حياتك سنتين ونص بالكلية تنزل لأهلك يوم واحد بالاسبوع
    المعدل/ (70 ادبي) ، (65 علمي) .... ما عدا ذوي الشهداء مستثنون من المعدل ،،،،،، والكلية العسكرية يقدمون عليها اصحاب المعدلات العالية يعني عميد الكلية يگول عندي 120 طالب معدلاتهم فوگ 80 يعني موجود ابو 98 وابو 96 و..
    الطول/ 165 سم 
    اسم الدوره الجديده / 110
    المواليد المقبولة / ( من 1999 الى 1996 ،مدني) (الى حد 1994 ،منتسب)
    اثناء الدراسة بالكلية وانت طالب تاخذ #راتب / 985 الف+ مخصصات الشهاده الاعداديه(80 الف) ، بس واعتقد يگصون مال الطعام
    **الحياة بالكلية هي (تگعد من 5 الفجر وتدريب قاسي جدا جدا يعني الي يشوفه يگول هذا تعذيب مو تدريب و راح يكلوكم حيايه وارانب كالاسود😎
    موعد التقديم #التقليدي/ شهر 9 ....... بس هايه السنة صار اختلاف لأن العام الماضي الاعداد الي مقدمه هائله جدا تقريبا (1525 طالب) الي فشلو بس 8 طلاب ،وبسبب هايه الاعداد سوو دورتين ، دورة 108 الحتقت بشهر 3 ودوره 109 بعدها ما ملتحقه موعد التحاقهم بشهر 11 يمكن ...
    ولهذا تأخرت هايه الدوره يعني دوره 109 اخذت مكانه ،،
    موعد التقديم #لهذه_السنة / بداية 2018 حسب ما ذكرت صفحة الكلية ، موعد الالتحاق هو شهر 7
    الاختبارات / فحص طبي ( كلشي يفحصونه حتى ينزعوك ، واذا مسوي عملية ميقبلوك واذا وشم ميقبلوك) + لياقة ( الي هو ركض "2400متر" خلال "12دقيقه و25 ثانيه" و شناو الافضل تسوي 50) + معايشة وامتحانات بسيطة(المعايشة عباره عن 3 ايام تگضيها بالكلية ويشوفوك وينطوك اوامر مثلا تنظيف او هيج شي ..) + مقابلة( تلبس قاط اسود رسمي ، الشعر مو عالي وتدخل على عميد الكلية وغيره من الضباط يسألونك اسألة بسيطة عن حياتك مثلا عندك شخص بالجيش؟ ليش قدمت ع الكلية العسكرية؟ شكد مساحة العراق؟ يعني هيج شي ويشوفون لسانك ثگيل لو لا، ويشوفون شخصيتك و اهم شي ما ترتبك)
    #خلاصة_القبول/ **معدل من 100
    **الفحص والمعايشة واللياقة من 100
    **المقابلة من 100
    يجمعوهن ويقسموهن على 3 وتطلع نتيجتك ويتم التنافس على القبول
    #تتخرج بصفة #ضابط
    ومن خلال الكلية العسكرية تكدر تكدر تصير طيار او استخبارات او جهاز مكافحة الارهاب وطبعا هذا يعتمد على الترشيح بعد التخرج
    ملاحظة:المهني والتجارة غير مقبول ، فقط علمي وادبي
    خلي يكون بعلمكم تره الكلية العسكرية مو سهلة هوايه طلاب انهزمو حتى ما كملو التأهيلية 

    مقالات متعلقة

    1. يِّعٌنِيِّ خَوِيِّهِ هِمَ مَأّ يِّطّلَبِوِنِ عٌدِدِ مَحٌدِدِ مَنِ أّلَطّلَأّبِ لَوِ يِّقِبِلَوِهِمَ ګلَ أّلَمَقِدِمَيِّنِ مَأّ عٌدِأّ أّلَفِّأّشٍلَيِّنِ بِلَ لَأّخَتّبِأّر مَأّ يِّقِبِلَوِهِمَ

      ردحذف
    2. بس اريدك تعرفني بشغلة معدلي ممقبول منين اجيب استثناء من الوزير لو منين

      ردحذف
    3. بلا زحمه عليك اني معدلي 60 يعني علمي اذا كانت عندي واسطه اكدر انقبل لو لا

      ردحذف
    4. وين صايرة الكلية العسكرية ب بغداد؟

      ردحذف
    5. السلام عليكم فدوه بس جاوبني اذا اكمل كلية يصير ارجع اقدم على الكلية العسكريه لو لا سمعت كالو اله معهد والمعهد المعهد صدك بس للاحزاب لو لا

      ردحذف
    6. حبيبي اني معدلي 58 مقبول لو لا
      وعندي شهيد

      ردحذف
      الردود
      1. تنقبل لان هم منطين استثناء لذوي الشهداء

        حذف
    7. ليش الصناعي والتجاري ماينقبل شنو هذولة مو طلاب لو ربهم وحد

      ردحذف
    8. هل يوجد لديكم معلومات عن موعد فتح الدورة110 ارجو الرد

      ردحذف
    9. يقبلون البنات بل لأستخبارات

      ردحذف
    10. أو صيرن البنات عسكريات

      ردحذف
    11. متى يفتح التقديم 2018

      ردحذف
    12. السلام عليكم يقبلون البنات بنتي خريجة تربية بنات وراح تموت علة كلية الشرطة

      ردحذف
    13. سلام عليكم يقبلون معدل 63 تطبيقي مواليد 98 أقليات تركمان

      ردحذف