كيف تتغلب على مشكلة النعاس أثناء الدراسة للأمتحانات الوزارية ضمن مجموعة نصائح

- 1:52:00 م

كيف تتغلب على مشكلة النعاس أثناء الدراسة للأمتحانات الوزارية ضمن مجموعة نصائح لطلبة الوزاري السابقين



طبعا اني اتكلم عن النعاس غير الاعتيادي يعني اكو شخص تشوفه 24 ساعه منعس بس يلزم كتاب ينام .. طبعا هذا كما يعرف ب #النحول واني ما راح احجي بطرق علميه وكأنه فاتح الكوكل لا راح انطيك شغلات بسيطه .. ليش يتكون النحول وشلون اعالجه واتخلص منه : 

هسه نجي نطبق شسوي حته اتخلص منه 
1⃣ الرياضه 🏋️ .. أول ما تكعد يجب ويجب ثم يجب أن تلعب رياضيه لمده لا تقل عن 10 دقائق..مهما كانت اي رياضه حته لو تمرين سويدي استرخاء بسيط وانته بمكانك .. 

2⃣ المواقيت المنتظمه 🕢🕗 .. يعني مو يوم انام ب 12 ويوم انام ب 3 ويوم ابقه لل 5 الفجر .. هذا اكبر مسبب للنحول وايضا يؤدي للسمنه ..لازم تتعلم ع وقت واحد منظم انام ب 12 اكعد ب 6 مثلا.. حتى وان فشلت في بعض المرات ابقه حاول اسبوع واكثر لحد ما تضبط نومتك صح 

3⃣ الاكل المنتظم 🍊🍕 أيضا سبب مهم في بقاء الانسان صحوا بدون نحول..مثلا عدنا #الزيت حاول تقلل منه لأن مسبب للنحول خلي 3 ووجبه رابعه بسيطه .. طبعا المنبهات مثل الجاي والكهوه وغيرها اني برأيي مو جدا ضرورية اكو اشخاص اصلا ابد ميشربون الشاي بس هي تعويد لا اكثر 

4⃣ اثناء الدراسه 📚 خلي الضوء خلفك وليس امامك لان اذا امامك راح يسببلك أرق ..او استعمل المصباح المكتبي 👈🛋 يعني الاضاءة تكون ع الكتاب مو ع عيونك .. 

5⃣ عند النوم 🌌 استخدم وساده ( مخده ) ناصيه بمستوى العنق ولا تستخدم عاليه لأن راح تسببلك صداع وألم وبالاخص فوق العينين

6⃣ عند النوم 🌃 أطفأ الضوء ونام في الضلام أو ضوء خافت جدا كي لا تصاب بالارق .. لان الضوء اثناء النوم يسبب ارق من تكعد..تكعد وانته ماشابع نوم وتضل بس تثاوب.. فسبب النحول هو الارق 

خطوات بسيطه جدا للتخلص من النحول او الارق اثناء الدراسه اتمنى تفيدكم

المصدر : رحلة التفوق في السادس

idden'/>

 

ابدأ الكتابة ثم اضغط انتر للبحث