مرحلة المواجهة لـ تقوى كريم

- 5:42:00 م
  • عنوان المقالة : مرحلة المواجهة
  • الاسم : تقوى كريم 
  • المحافظة ذي قار

مرحلة المواجهة


أحيانا نجد أنفسنا في مقعد من مقاعد الحياة ربما لم يكن بأختيارنا لكن هنالك حكمة من الإله عز وجل في ما نحن عليه


وها نحن في أعتاب المواجهة.

سوف اسرد لكم قصتي وسأنتقي لغتي العامية لعلها تكون الأقرب لكم وتلامس قلوبكم لأنني بسيطة في انتقاء الفاظي وسأبتعد عن التكلف 😊

مرحبا أعزائي




حتى أكون واضحه وياكم بعطلة الخامس ما قريت ولا شي للسادس ولا دخلت دورات لان خفت ما اطلع معدل واتندم لان اهلي خسرو عليه فما ردت احس بالذنب وما دخلت دورات ومدرستي جانت مدرسه عاديه بس الحمد لله بالجد والمثابره والاصرار طلعت معدل 94بس جنت ليل ونهار اقره وبجيت هووواي بالسادس وكلت لاهلي اني ما اكدر اطلع معدل عالي واحتمال اطلع ب70بس الحمد لله جان ذاك حجي لان نفسيتي تعبانه من القرايه اجلت الفيزياء والاحياء وامتحتتهن دور ثاني. فرحة المعدل جانت ما تنوصف من جنت بالسادس ما جان عندي هدف معين جنت كل الي اريده اطلع معدل عالي بس بعدين عجبتني الصيدله وعبالي تطلعلي بس ما طلعت وأخيرا انقبلت هندسة كهرباء وسنه كامله اني بالكهرباء بس ما مقتنعه بيهه وما حابيته وردت احول واجلت بس سحبت التأجيل وكملت المرحلة الاولى وطلعت أكمال بواحد ولحد الدور الثاني مقرره اعوفهه بس صار شي وبعد ثبتت عالهندسه لحد الان اني ما احب الكهرباء بس هم كرهت الصيدله واحمد ربي انو ما طلعتلي لان رب العالمين يخلي كل واحد بمكانه الصحيح والحمد لله على كل حال اسفه الي أريد اوصله الكم زملائي انو الرضا على الشي إلي الله يكتبه النه اكيد هو خير ولمصلحتنه

😊 اسفة ع الإطالة








idden'/>

 

ابدأ الكتابة ثم اضغط انتر للبحث